تحدي بين نجمي الهلال والمريخ حول صفقة “كاسيميرو”..!
رصد “سودافووت” تحديًا كرويًا بلغة المزاح، بين لاعبي فريقي الهلال والمريخ، “نصر الدين الشغيل” و”كابتن بشير”، حول صفقة إنتقال البرازيلي “كاسيميرو” من ريال مدريد الأسباني إلى مانشستر يونايتد الإنجليزي.
ونشر “كابتن بشير” المعروف بتشجيعه لـ”اليونايتد”، على حسابه بموقع “فيسبوك”،صورة للاعب “كاسيميرو” بقميص “مانشستر”، وقام بالإشارة إلى “نصر الدين الشغيل”.
وعلّق “الشغيل” قائلًا ” القصة ما لاعب واحد القصة منظومة كاملة.. فريد وماكتومني مستواهم الحقيقي ما بظهر ليك الا تجيب ليك ظهيرين أفضل من الموجودين وقلوب دفاع أقل شي يعرفوا يبدوا ليك لعب وجناحين أفضل من سانشو وراشفورد”.
وتابع “يعني انت داير ليك ٦ لاعبين مستوياتهم اعلي من الحددتهم ليك بعداك ممكن انت تلعب ارتكاز وتكون افضل من كاسميرو زاتو”.
ليرد لاعب المريخ “شوية شوية وبنظبط الفريق كلو لكن صفقة كاسميرو لو تمت بتكون مية المية”.
واضاف “عندنا لوك شو كويس وبيسكا برضو بوجود كاسميرو بيعمل لينا توازن كويس مشكلتنا ما عندنا ارتكاز بيطلع بالكورة من الخلف كويس وبيقطع كور”.
ليعقّب “الشغيل” ممازحًا “غايتو ابوصلاح ودياز ديل جاينكم زعلانييييين”، في إشارة لمباراة ليفربول ومانشستر يونايتد في الجولة الثالثة من الدوري الإنجليزي يوم الإثنين المقبل.
إقرأ أيضا .. ليونيل ميسي .. من حواري “روزاريو” إلى عرش كرة القدم
